同朋友飲多杯|張惠雅酒後踩單車仆崩門牙:有點受驚 (16:36)

文章日期:2021年01月23日

張惠雅(Regen)早前跟台灣男友分手,飽受情傷的她體重急跌外,日前在社交網留言:「如果有一天我突然暴斃請不要驚訝,我已經有呢個覺悟了,晚安。」此言一出令大家頗為擔心,Regen事後亦有為自己言論解畫。Regen昨晚又有事情發生,飲了幾杯後借用朋友單車,結果炒車並仆崩門牙,不過她似乎心情未受影響,自封「崩牙妹」,並笑言暫時無拍攝工作,可以遲些才去補牙。

相關新聞:稱湯怡係第二個阿媽 張惠雅為「暴斃」言論解畫

張惠雅留言:「今日好chill,同朋友飲多杯,好開心,然後我地話不如今晚食pizza,所以叫長洲peter pizza外賣,peter係我鄰居,我借佢單車啦,但係因為我踩開三輪單車,三輪單車都炒過車,冇諗過踩三輪單車幾個月,訓練咗咁耐,一踩返兩輪單車就炒車,仲要崩咗隻牙,原本想聽日休息去補牙,但係諗諗下有口罩又唔駛拍嘢,聽日都係唔補牙住lu。不過我想訓耐少少,因為無咗半隻牙都有點受驚,瞓醒明天再住咖哩飯。崩牙妹字」

(即時娛樂)