準媽媽沈卓盈向陳自瑤請教湊仔經 爆肚內BB聽到好興奮 (22:53)

文章日期:2021年01月23日

沈卓盈在元旦日當天宣布佗B,這位準媽媽最近就相約好友陳自瑤(YoYo)見面,兩人由午餐食到下午茶仍意猶未盡。由於食肆晚上6時起禁堂食,YoYo於是隨沈卓盈回家食晚餐,再傾過夠,足足傾了10個鐘,相信YoYo一定分享了不少湊仔經給好友。

沈卓盈在社交網分享照片,留言︰「好耐冇見我嘅女神Baby啦,今次由午餐食到下午茶直到餐廳打烊... 然後返屋企再食埋晚餐都未夠...... 已經約埋下次見面。兩個傻傻的坐埋一齊真係笑餐飽~ 其實開心可以係咁簡單~ 送給大家我們的心。時間無阻我倆的愛,我們在笑寶寶在踢,這位小聽眾好興奮,以後有多個話題啦。」

(即時娛樂)