【今日直擊】李香琴（琴姐）今天設靈，女兒蕭紫筠在琴姐契仔陸永昌陪同下見傳媒。琴姐生前有兩個妹妹及兩個弟弟，當中包括李樹佳，1970年代李樹佳跟隨琴姐加入電視圈，然而他在1996年被爆在澳門欠下數以百萬元賭債，琴姐曾替弟弟還款300萬元，不過李樹佳繼續豪賭，琴姐在1996年登報和李樹佳脫離姊弟關係。
李樹佳雖然有送花牌致哀，但稱謂則寫了「李香琴女士」。問到琴姐女兒有沒有跟舅父李樹佳聯絡？她說：「冇呀。（他打電話問候？）佢冇我電話。（佢有送花牌？）佢一定知啦，報紙都有報道，佢有聯絡我朋友，但我冇聯絡佢，我話如果有琴姐心，梗係歡迎嚟拜祭，每個嚟拜祭琴姐的朋友都歡迎。」
問到是否很久不見李樹佳？蕭紫筠說：「好耐。（幾耐？）自從琴姐喺報紙宣布（同胞弟）脫離關係，我哋都好耐冇見。」
而謝賢（四哥）亦有到靈堂致哀，逗留約半小時便離開，他只說：「冇嘢講！咁多人有咩講？」之後便匆匆上車。
相關新聞：李香琴設靈｜派彩色口罩 琴姐契仔：寓意她人生充滿色彩
