《造星III》Cloud不知CY跟Carman拍拖 不怕圈中誘惑 讚男友最靚仔 (19:21)

文章日期:2021年01月25日

【今日直擊】雲浩影(Cloud)於ViuTV選秀騷《全民造星III》大熱倒灶,可是人氣無損,並成為廣告新寵,今日獲邀出席商場活動搵真銀。對於被指身價由4位數飈升至5位數,Cloud笑說:「好快冇,雖然是,但都要補番之前參賽幾個月無返工的人工,況且暫時未收到,亦要和公司分帳,化妝整頭要成本。」

Cloud透露現階段繼續做OL,計劃邊做邊唱,不會放棄唱歌。為何不選擇做全職歌手?她說:「搵唔到食,除非紅到日日有工作,office工收入穩定,畀到家用。有幾間唱片公司洽談,想了解多些再下決定,我希望唱片公司可以給予多點自由度,最緊要做到自己喜歡的歌,價值觀能互相配合。」Cloud稱男友很支持她的決定,問男友可會擔心她入行,圈中誘惑多?她即向男友大派定心丸,「應該不怕,因為他最靚仔,我喜歡的類型是他」。

提到《造星III》CY(陳澤言)、Carman(關嘉敏)跟天堂鳥成員Gordon(葉灝基)爆多角戀,Cloud說:「我覺得追求真愛幾好,參賽時不知CY和Carman拍拖,他們收得好埋,知道都嚇了一跳,覺得大纜扯唔埋。我們個個話CY叻仔,平時呆吓呆吓,咁都追到個女神。」

(即時娛樂)