自製親密場面|小儀跳舞送驚喜 方力申嚇呆 唔識畀反應 (18:59)

文章日期:2021年01月28日

由阮小儀主持的香港開電視節目《小儀與13型男》,新一集邀請「陽光型男」方力申(Alex)擔任小儀約會對象。為配合Alex熱愛運動的喜好,小儀安排跟對方玩TRX(懸吊式阻抗訓練),更跳舞給Alex驚喜,不過Alex卻被小儀的「驚喜」嚇親,在鏡頭前口窒窒「食螺絲」,場面惹笑。

小儀難得跟Alex玩TRX,兩人擺親密甫士,小儀表示:「同方力申識咗咁多年,喺鏡頭前有冇試過咁親密?係少啲嘅。拍電影,導演都唔會擺我哋做一對,呢啲(親密)動作頭先即席諗,佢又唔介意,純粹佢又信我、我又信佢,係一個友情moment,感覺有趣!」

小儀為迎合Alex運動型性格,又展現女性優雅一面,她在拍攝前幾天專誠學跳K-POP,不過小儀雞手鴨腳的舞姿,嚇得Alex目瞪口呆,並口窒窒表示:「好有誠意,但點解、點解、點解要跳舞?」場面惹笑。Alex事後笑言:「好尊重對方為我做嘅嘢,但自己最大缺點,就係因自己運動員出身,對自己要求好高,好自然喺咁情况下,會同女朋友講『差啲喎』,所以最後換嚟嘅效果係唔理想。」

Alex強調自己單身已久,並說:「疫情下好難識人!」小儀聞言表示可以透過玩App識人,他則指:「你玩我咩?App要擺自己張相,記者咪知。其實我好old school,讀書時係游泳運動員,喺泳界好多家長識,佢哋就等於之後嘅『狗仔隊』,嗰時已經地下情,到入行時係『狗仔隊』最旺嘅時期,自己又係地下情,慣咗喺呢件事上好緊張,就算依家對個女仔有好感,都唔敢約食飯,一約就會畀人覺得『出擊』咁。」Alex表示其拍拖最大缺點是過於理智,而問到他的擇偶條件,他表示首選性格隨和。

(即時娛樂)