《向西聞記》搶閘登場 Tiger跟父慶祝60大壽 Dee約盧覓雪過情人節 (18:00)

文章日期:2021年02月12日

《向西聞記 新春sp:阿姨!我不想努力了》 是今年全港唯一一部賀歲港片,全長45分鐘,今天大年初一(12日)中午12時,已於hmvod上架,今晚10點男女主角何啟華(Dee@Error)及盧覓雪,會在hmvod facebook開live,親自向大家拜年及講述拍戲時發生的趣事。

日前《向》片演員包括Dee、雪雪、邱傲然(Tiger@Mirror)、泥鯭@RubberBand等拍攝賀年照,雖然Dee和雪雪牛年伊始已為賀歲片開工宣傳,但在農曆年間都各有節目,雪雪會打牌耍樂,由於晚市堂食未開關係,唯有在家吃多幾底糕應節,Dee則約朋友玩啤牌、射龍門,吃最鍾意的朱古力,趁過年放肆一下。

後天(14日)是情人節,問到有何節目?雪雪先扮嬲豬:「唔好同我提,有咩特別?做咩要提啫?有情人咪食飯,冇情人都係食飯。今年情人節年初三係赤口,實嗌交,嗰日禮拜日,送花都冇人見到,唔使返工冇得威。」Dee聞言即冧雪雪表示會約對方,雪雪聞言笑說:「情人節即刻有意義!」

提到新年願望,雪雪表示香港地運屬牛,今年踏入香港回歸24年,即是本命年,她說:「本命年係主變,咩都有變化,變化係有好同壞,過去2年已經好痛苦,希望本命年係向好方面轉,希望國泰民安,家家平安。」

Tiger過年會留家食飯打麻雀,他說:「新年希望《向西聞記》賀歲片多啲人睇,疫情快啲過去,大家正常生活,開開心心。」至於牛年最想做的事,Tiger透露爸爸屬牛,今年剛好60大壽,他表示希望跟父親慶祝生日。

(即時娛樂)