婚後首個農曆新年|享受二人世界 朱慧敏擬2年後生BB (17:51)

文章日期:2021年02月13日

朱慧敏(Queenie)與心臟科醫生陳良貴(Jason)早前新婚,今年以夫婦身分過農曆新年。日前兩口子接受香港開電視主播馬梓軒訪問兼玩遊戲,以朱古力金幣封利市給好友王賢誌(Vinci)及林盛斌(Bob),Queenie謂:「Vinci係我哋嘅好朋友,打算封兩個大金幣畀佢同另一半Kevin;阿Bob都非常重要,因為係佢介紹我同Jason認識,所以會封六粒金幣,祝福阿Bob一家六口!」

回顧去年疫情高峰期,Jason仍要謹守崗位經常進出醫院工作,Queenie被問到會否很擔心?她表示:「咁我又無,因為我好相信正念,每一日我都有祝福Jason,我係佛教徒,佢係天主教徒,但我哋會mix埋一齊,因為都係一個善心、正念就可以!」

談到婚後造人大計,Queenie指現階段希望享受二人世界,又笑言:「其實依家已經二月,如果要生牛仔牛女嘅話,即係下個月要懷孕喎,我諗起碼一、兩年後,因為我哋仲未度蜜月又未擺酒,所以等疫情過後,睇吓可唔可以喺峇里擺咗酒先再算!」

(即時娛樂)