一家三口到郊外餵牛牛 符曉薇最怕老公陳柏宇執屋 (18:01)

文章日期:2021年02月13日

陳柏宇(Jason)日前偕太太符曉薇(Leanne)及女兒陳羿辰(Abigail),接受香港開電視主播馬梓軒訪問,並趁牛年到郊外餵牛牛。Jason和Leanne表示,很享受每次帶女兒親親大自然,Leanne說:「我哋好多時都想帶Abi出去戶外活動,又或者去主題樂園,可惜遇上疫情,樂園亦關閉,所以都好無奈!」

談及過年節目,Jason表示跟大部分家庭一樣,都會去拜年:「通常有一日會去我屋企人度,以往喺酒樓團拜,然後有一日可能就去Leanne屋企拜年,至於Abi嘅利市,當然幫佢儲起,已經幫佢開個私人戶口,啲利市錢放晒入去!」

Jason和Leanne分享新年願望,Jason鬼馬表示:「希望新一年執乾淨啲間屋,哈哈,我哋屋企每一樣醬料都有,然後我每幾個月,就會望一望啲醬料睇下過期未,過期就會掉晒佢,然後再添置新嘅,所以屋企醬料每幾個月會換一次;仲有屋企個衣櫃,大部分都係Leanne啲衫,留咁多衫喺度,一年着得幾多次?」Leanne聞言笑說:「所以我好驚Jason執屋,佢問我要唔要,我梗係話要啦!」

(即時娛樂)