藝人白雲接受香港開電視主播馬梓軒訪問，親自下廚炮製七彩撈起伴和牛，盼牛年大紅大紫。在天津出世的白雲，分享小時候在家鄉過年傳統習俗，她表示：「在北方過年一定要食餃子同湯圓，我同媽咪通常由晏晝開始，就坐定定一齊包餃子，包嘅數量足以食1個月，其實我覺得媽咪係想一次過整多啲，過年後唔使日日煮飯咁辛苦。」
入行後，白雲表示人緣很重要，每年一定會圍繞桃花樹兜圈：「我只要見到有桃花樹嘅地方，無論商場、花市都會行埋去兜圈。」
回顧去年，白雲表示因為疫情，導致工作上有很大的轉變：「本身諗住除咗喺香港，都想開發多啲台灣、北京嗰邊嘅拍攝，但因為疫情好多項目都告吹，所以又要好勤力咁去北京幾個月搵嘢做，但我覺得逆境當中，真係會鍛煉到自己，重新計劃過所有嘢之餘，亦會有一啲新機會！」
