方力申（Alex）前年以破紀錄成績，完成45公里慈善環島泳，成績驕人！事隔1年幾，Alex再次參加比賽，今次他參加游15公里海的賽事。
昨晚Alex在社交網貼了多張相，他表示雖然自己游到第一名，不過在疫情影響下，他少了練水，游出來成績不算理想，他寫道：「我少咗練水，成績真係差好遠，差啲辛苦過我游環島泳，所以真係一分耕耘一分收穫。對我哋呢啲都已經唔係當打嘅運動員，都有咁大嘅影響，咁對依搏緊命要出成績嘅後生仔呢，佢哋點算呀！點練習呀？我真係好希望我哋嘅生活，可以快啲回復正常，正常返學，正常練習，人人都有工開。 #游咗三個幾鐘 #眼又痛喇 #好攰」。
