生意經|陳凱琳為興趣搞自家品牌 龔嘉欣壓力大到停經 (23:12)

文章日期:2021年03月01日

「少婦聯盟」的陳凱琳、龔嘉欣及譚凱琪擔任節目《師父有請》嘉賓,3位好姊妹大談生意經。陳凱琳表示爸爸是生意人,但沒給她壓力要女承父業,近年投資自家落妝棉品牌純粹為興趣。「近年開始做生意係因為生咗小朋友,想多啲時間留喺屋企,又想keep住工作,人先會醒目啲,但我真係唔叻,所以搵拍檔幫忙。每個人揀拍檔都唔同,我揀嘅拍檔有做開生意,而且係成功嘅,對方話我知唔會畀呢件事衰,佢有呢個想法,令我更加有信心」。她指落妝棉市面上不多,競爭性不算大,而且她的品牌價錢相宜,絕對有利可圖。陳凱琳自爆投資了6位數:「唔係諗住一開始就賺大錢,只係覺得玩吓都好,我好細膽,唔敢投資好大。」她說暫時生意不錯,快要追到收支平衡。陳凱琳說自己做生意時,老公鄭嘉穎也擔心她被騙而反對,因她太易信人,最終她衡量過便決意去做,也獲嘉穎支持。

龔嘉欣近年在馬來西亞開設火鍋店,她喜歡親力親為,由裝修、揀碗和試湯底等都是自己去做,「我鍾意落手落腳,火鍋利潤好高,而且當地仍然有明星效應,我哋去到都幾受歡迎」。不過近日因疫情關係,馬來西亞實施封城,令火鍋店生意大受影響,龔嘉欣說:「好頭痕,當生意忙到停唔到手嘅時候,突然遇上疫情,無辦法,惟有等。我仲要提供員工包食包住,冇辦法,惟有照畀。我覺得好難得遇到一班肯為你做嘅同事,所以守住先。」並形容感覺似流緊血。龔嘉欣稱做生意只是副業,因她習慣投放太多感情去做,甚至壓力大得一度停經。

譚凱琪早年開過餐廳,營運了3年,起初生意不錯,由於位處銅鑼灣,遇上社會問題,加上租約期滿,她認為沒辦法繼續維持,所以結束生意。「做生意真係好難,特別係管理,樓面同事話射波就射波,真係好難搞。如果係好幫得手嘅廚師,我哋會畀佢入股,咁樣佢會做得投入啲」。

(即時娛樂)