【今日直擊】洪金寶（三毛）、任達華、任賢齊、方中信、譚耀文、吳卓羲和林曉峰，今日到元朗出席電影《邊緣行者》開鏡禮。曾傳健康出現問題的三毛中氣十足，精神飽滿，鬼馬地彈跳出場，狀態不錯。
三毛表示疫情下休息了1年幾至2年，期間沒有拍戲，今次友情客串也開心，戲中飾演大哥角色：「香港電影圈仲有工作要繼續做，絕對開心，香港人拍香港電影，不知幾時會停？今日聽到UA院線結業，遲些可能發行、電影、電視都無得睇，要聽麗的呼聲，聽電台，遲些香港什麼都復古。」
對於UA院線結業，三毛也感唏噓：「我以前經常行戲院，每個星期六、日就去霸位，睇觀眾反應，睇自己同老死麥嘉電影，依家都冇呢支歌仔唱。」
問到會否減片酬支持？他笑說：「如果是香港政府投資的就不用，大把錢，如果是同業投資就有商量。」是否希望政府為電影業提供援助？他黯然表示：「唔講呢啲，冇希望，人生冇希望，希望香港仲有點空氣呼吸一下，睇電視見到老百姓生活睇到心酸，我好想幫，但我幫唔到咁多，只可幫手流眼淚。」
