馮盈盈江嘉敏新節目未播已擦出火花 戴祖儀食住花生開工 (15:33)

文章日期:2021年03月12日

馮盈盈、江嘉敏去年因富豪船P而傳不和,姊妹情不再。兩人近日被公司安排一同主持新節目《解構心機女》,節目未出街已明窒、暗窒對方,充滿火花,令不少網民非常期待,等住屆時邊睇邊食花生。

主持之一的戴祖儀在社交平台上載她正在食花生的片段,似乎跟不少觀眾一樣,準備好錄影時看馮盈盈、江嘉敏如何鬥法。她說︰「能夠於工作中大食花生,人生好極。《解構心機女》將於3月22號首播!希望大家多多支持。見到咁多男仔女仔花盡心機去令人喜歡自己!真係好好睇好多花生學到好多嘢呀。大家千祈唔好錯過啦!我真係好耐未試過拍節目笑到咁痛苦,連續笑咗10個鐘啊陰公。呢一個禮拜如無意外都唔好引我笑唔該,#我真係唔想再大笑真係好辛苦。#今次呢個節目大家真心要睇,因為真心會學到嘢,同埋真心好好笑,同埋花生梗係要請埋大家食。」

(即時娛樂)