成兩台音樂節目爭奪對象 張敬軒首度踏足ViuTV感榮幸 (18:09)

文章日期:2021年03月12日

【今日直擊】張敬軒今天為ViuTV節目《Chill Club》錄影,原來今次是軒仔首度踏足ViuTV,他說:「今年返出嚟做嘢,要認識新地方,我都好開心見到好多熟人。(大駕光臨?)千祈唔好咁講,我好榮幸,《Chill Club》睇得多,能夠企喺呢個台好開心,音響好好。」軒仔表示多謝公司及ViuTV,又笑言好有新人感覺。

軒仔成為無綫及ViuTV爭奪對象,他謙稱:「吓﹗我又覺得唔係喎,音樂節目應該都注重音樂,今次可以唱多啲歌,可以宣傳多啲舊歌,今次第一次上到嚟,ViuTV送咗份好開心禮物畀我,所以我都好珍惜。」問到兩台音樂節目的分別?軒仔說:「大家風格唔同,Taste唔同,但精神上都係一樣,畀到好好舞台同Set up。」

問到會否出席ViuTV下月舉行的《Chill Club》頒獎禮?軒仔說:「睇公司安排,因為我未有歌喺榜,今年先有歌上榜,希望積極出席樂壇頒獎禮,樂壇要好多人Support,齊心做好件事係緊要啲。」

(即時娛樂)