車婉婉囝囝BBQ就快4歲，婉婉不時在社交網分享和囝囝生活點滴，今早婉婉在Instagram貼了囝囝受傷照，相中BBQ額頭「起樓」，面珠亦有瘀傷，令婉婉心痛不已。
她寫道：「我家有隻陰公豬。小朋友玩起上嚟，真係會有些意外發生...今次BBQ先生受傷，Q MaMa肉痛之餘真的很內疚，成晚瞓唔着...睇咗佢成日見佢好生猛先放心啲去返工，真係要睇實佢哋，𥄫實佢哋，畢竟BBQ先生同啲朋友仔得幾歲人仔，完全唔知危險同後果，感謝主佢無乜大礙，Q MaMa知錯了...對唔住阿仔。各位MaMa⋯⋯加油共勉之。P.S.除咗碌雞蛋，塗油油之外，仲可以做啲咩呢？」
婉婉在hashtag自責失職：「#可憐的bbq 成日中頭獎 #bbq先生起樓 #陰公豬腫晒 #qmama心痛ing #好彩塊面多肉墊住 #失職QMaMa #qmama好內疚」。
