組合C AllStar接受許文軒主持的《StarTalk》訪問，4子早前重組並推出新歌《集合吧！地球保衛隊》。休團3年期間，他們也有不少改變，陳健安說：「我覺得King（吳崇銘）做咗EDM，進入打碟世界後，在台上表演嘅佢，會特別開心同有自信，不過佢一講嘢就變返辭不達意。」King則說：「成日畀人話我好奇怪，呢幾年我同好多人溝通唔到，慢慢先知道原來我講嘢得自己先明，所以依家都要學習人哋嘅話題。」
梁釗峰則被隊友笑稱改變大，何建曦（Jase）笑說：「釗峰以前說教啲，有名畀你叫『梁教授』，依家講嘢少咗，精準咗，冇咁多廢話。」
