溫碧霞（Irene）近日在內地過着「飛人生活」，日前由上海飛到深圳世界之窗出席好友品牌的時裝表演。首次到世界之窗遊玩的Irene玩到非常開心，除了「環遊世界」參觀世界各地名勝外，又在動物園睇駱駝。
Irene驚喜見到駱駝開餐食樹葉，又在園內訓練員引導下，撫摸駱駝鼻樑，又首次拖駱駝散步，非常興奮，「駱駝好得意，唔好睇佢咁大隻，原來駱駝好溫柔，又好乖，佢哋食樹葉時，好似好肚餓咁，好可愛，希望有機會試吓騎駱駝」。
除參觀駱駝，Irene下榻的酒店外，有個人造沙灘，愛海的Irene忍不住到沙灘拍攝靚相留念。
