徐頴堃（Erica）早前由幕前走到幕後，與本地年輕製作團隊合作，創作網劇《我在CoverDog的日子》。首次擔任編劇與副導演的Erica，找來同公司的余潔滢（Zoe）和張丹蕾（Dana），為其「處女作」演出，Erica表示︰「今次呢套係處境喜劇，事前好緊張，怕創作劇情唔夠好笑，都係將自己親身經歷寫落劇本再放大，播咗幾集反應唔錯，自己都好開心。」
提到最新播放的一集，飾演Zoe秘書的Dana，為「遺失的雞翼」搞了一場「大龍鳳」，嚴刑追問公司同事雞翼下落所發生的趣事，Erica表示這是她的親身經歷，她笑說︰「有一次拍攝時我買咗一盒雞翼，之後發覺唔見咗一隻，就係咁問人有冇食到，有位成員認係佢食咗，但佢係唔想我唔開心先咁講，我就更加想知隻雞翼去咗邊，最終原來雞翼係畀人整跌咗。」
至於會否為父母徐少強和雪梨創作劇本？Erica笑說︰「如果可以當然好啦，但呢個要諗諗拍攝乜題材，依家儲多啲經驗先，要有好劇本先可以叫郁佢哋，特別要請媽咪出山都好難㗎。」
