農夫談雲頂遇靈異事件 麥玲玲膽子大 主動要求住酒店尾房 (17:15)

文章日期:2021年04月05日

農夫日前擔任《師父有請》嘉賓,陸永和C君跟主持人林盛斌(Bob)及麥玲玲都是好朋友;麥玲玲指自己當年有份提攜兩人,更視C君為徒弟,教他玄學風水命理。

今集主題是「凶宅」,陸永和C君謙稱自己連「凶宅」都買不起,麥玲玲笑稱自己也有點怕,做不到「凶宅大王」,只能做「胸襲大王」,C君搞笑說:「嘩,你咁樣對安德尊?胸襲阿『大王』,所以李錦聯先咁嬲,佢心諗『做咩唔益我呀』。」

提到遇過的靈異事件,麥玲玲自認大膽女,就算到訪馬來西亞雲頂都主動要求住尾房。農夫聽到雲頂兩字,即時想起兩宗靈異事件,陸永說:「平時出埠,我哋多數一人一間房,有次去雲頂,咁啱只係安排同一間,但間房好大好闊落都不錯,咁我哋揀套動畫睇,已經唔係驚慄片,睇完就熄燈一齊瞓。點知聽到廁所個電子感應式垃圾桶不斷開閂,而個節奏已經超越咗個感應,好快!」

當時他們感應到相關聲音,C君爆粗鬧完,聲音就停了,後來被子蓋頭睡覺,但陸永卻面對更可怕的經歷:「我聽到有跑步聲由遠走近,仲成個類似小朋友重量跳上我個肚度,我望住頭上係一大片黑色嘢籠罩住,心唔算太驚,但覺得佢係小朋友,於是念經叫佢走啦,但唔好傷害佢,點知感應到佢去廁所,好似撞車聲咁大聲『啪』,但C君都竟然聽唔到。」

陸永表示他跟C君一齊時就會遇到靈異事件,二人曾經在英國開工,當時陸永玩平板電腦,睡着的C君突然醒來去洗手間,但C君用奇怪眼神望一望他,C君說:「我見到有個女人耷低頭望住佢,我呆咗,半夜起身以為自己矇查查,去完廁所之後又見唔到。點知第日攝製隊有同事話,喺走廊見到紅衫女人行,轉彎走去搭𨋢位置,突然又消失咗,嚇到步都唔敢跑。」

麥玲玲指自己做風水命理多年,每逢到訪凶宅都會有些感應,或會頭痛不太舒服。Bob表示曾經去過九龍塘一間4000多呎豪宅,比同區的租金便宜一半,他問過附近看更,原來左邊有佛壇,右邊有佛堂,當時詢問過師傅,認為他最好另覓住處。麥玲玲解釋:「廟前窮、廟後富、廟左廟右出寡婦。口訣係咁,但實際情況都未必一定,要靠有經驗師傅去睇。」

(即時娛樂)