無綫和ViuTV的綜藝節目拉開戰幔！今個月是ViuTV的5周年台慶，早前已安排連串新節目及劇集輪住推出，今晚9時半播出由MIRROR成員陳卓賢（Ian）和女友盧慧敏（Amy）主演的定情劇《無限斜棟有限公司》，力撼無綫同時段的《大步走》；緊接10時半ViuTV播出由阮小儀、黃奕晨和MIRROR成員呂爵安（Edan）主持的《考有Feel》，節目內有MIRROR及ERROR玩遊戲，無綫則播出由「金句主播」方東昇主持的《尋人記》，方東昇過往主持的節目均不乏捧場客，尤其他愛在節目爆金句及玩食字。
阮小儀在Instagram貼上和Edan及黃奕晨搞笑合照，力谷新遊戲節目，小儀寫道：「我們仨可愛到咁，都係想提大家，今晚就係喇喂！！！好多人都問，今晚打仗喎，點睇先…
首先，我哋錄製呢個節目嘅時候，係喺一月，冇任何要去打仗因數發生嘅，我哋台前幕後都只係為做好呢個節目而出發，好單純地做做做拍拍拍！所以，冇咩得點睇！點睇嘅係，你哋今晚記得幾點睇就得喇！」
