首度合作|ANSONBEAN帶蕉探班 鄭欣宜激讚師弟Very Good (16:22)

文章日期:2021年04月07日

早前加盟寰亞的陳毅燊(ANSONBEAN),獲公司安排與師姐鄭欣宜(Joyce)合作新歌《@princejoyce(featuring ANSONBEAN)》。兩人首度合作,欣宜拍攝MV當天,就算沒有ANSONBEAN的通告,他也誠意地親到現場探班,並且在旁偷師,更搞笑地買了一袋香蕉探班,逗得欣宜笑不攏嘴,欣宜立即邀請ANSONBEAN在她的Ig拍短片留念。

ANSONBEAN說:「可以同Joyce合作真係好開心,雖然我同佢分開拍,但係佢拍攝當日我有去探班,不過我只係買咗啲香蕉畀佢,幫佢打氣。我一去到已經畀個好靚、好壯觀嘅景嚇親,再見到著住套好靚舞衣嘅Joyce,佢手上水晶長指甲好靚,襯起佢好型,搞到我望住佢都有少少緊張,只敢同佢講叫佢加油呀!」

年紀輕輕的ANSONBEAN平時跳跳紮,其實勤力好學,當知道要在新MV中演出,便立即加操練舞,他説:「MV隻舞唔係好複雜,拍之前兩日開始學,之後我睇住Joyce個MV,私底下練咗一日,拍攝時大家都滿意我表現,公司同事讚我學得快,其實係我秘密苦練,將勤補拙。」

第一次正式入錄音室錄個人作品的ANSONBEAN表示,在錄音室時確實有點緊張,他說:「剛開始錄歌時,我係有啲緊張,之後就進入狀態放膽咁唱,自己嘗試花心思放多啲自己嘅方法入去,又扮厚啲聲扮大隻佬咁唱。」

欣宜如何評價小師弟的表現呢?她說:「我同公司都覺得ANSONBEAN好啱呢啲跳舞節奏嘅歌,咁《@princejoyce》呢首歌就啱晒啦,佢嘅表現亦都very very good!」

(即時娛樂)