新冠肺炎疫情持續超過一年仍未結束，雖然近日已緩和了不少，但昨天仍新增10宗確診，其中1宗源頭不明。前無綫主播張文采昨日在社交平台透露因連續4日發燒到急症室求醫，因發燒屬新冠肺炎其中一個病徵，以為現場醫護會緊張，結果等了幾個小時卻未被理會。
她說︰「有冇發現我呢幾日好靜？係因為我根本發燒未好番，食完藥退燒，停咗藥再燒，發燒燒足四日。噚晚去咗急症室，我仲以為呢個時勢聽到話發燒，啲人會好緊張，點知我等咗幾個鐘都冇人理我。咁我都相信我應該唔係中咗肺炎，因為我嘅症狀就只係有發燒，所以我最後無見到醫生就離開咗急症室。到今日再去私家診所睇醫生，醫生答唔到我有咩問題，但係聽我個肺完全冇事，結果我就去咗驗肺炎，聽日就會有結果！呢幾日就係咁攤咗喺屋企，好頹廢，冇胃口食嘢，輕咗幾磅，仲有啲工作cancel咗。」
幸好，張文采昨晚表示已退燒，進食時也感覺到味道，吃意粉時吃到她最討厭的香芹味道，因發燒而瘦了幾磅就當賺咗。
