胡鴻鈞（Hubert）日前為新歌《整親》拍攝MV，新歌以自嘲方式，帶出就算飽受網絡欺凌、攻擊，都要堅守初衷的信息。
新歌主題圍繞心靈上受傷，關於網絡上一直有很多的評論，Hubert說：「自己一直都好留意，因為呢個係接觸聽眾最好嘅渠道，可以了解市場需要，同外界接軌，知道大家對自己作品睇法，最緊要係識得分析過濾，當中有好多有建設性嘅提議，真係好有幫助。咁多年來，學習咗唔好因為一啲反對聲音，或者別人對自己睇法，而影響自己追逐嘅夢想，要繼續堅持自己嘅初衷。」
提到MV造型，Hubert拍前跟導演開會分享想法，希望新歌在視覺上有新衝擊、新感覺，想效果誇張些，所以有好多CG效果，他說：「《整親》即係受傷，其中一個造型係戴上頸箍傷痕纍纍咁，係暗示當畀人批評時，大家都會受到傷害，不過有時整親，未嘗唔係一件好事，喺休息過程中，會有好多領悟，希望帶出正能量，受傷只會令人變得更強大。」
