廖啟智安息禮|智叔生前吩咐播《天家裏》 陳敏兒代領「人生金像獎」 (18:55)

文章日期:2021年04月20日

【今日直擊】陳敏兒在丈夫廖啟智(智叔)的安息禮上,提到15年前離世的孻仔廖文諾,敏兒說:「喺2006年,我第3個仔諾諾因病離世,為咗預備呢個小朋友去迎接死亡,我哋特別將聖經裏面形容天堂嘅一啲圖像,變成一個小朋友能夠明白嘅一啲說話,再同佢講,然後我哋一家五口包括諾諾同智叔,做咗一首歌叫做《天家裏》,諾諾離世之後,智叔好思念呢個仔,佢日日都要聽呢首歌,咁多年冇停止過,當日喺醫院時,佢同樣見到醫生同護士會講『你聽吓我個仔呢首歌』,然後佢(智叔)特別吩咐我哋,喺佢安息禮一定要播呢首歌畀大家聽,雖然其實唱得唔係幾好,但呢個係智叔嘅心意,大家一齊聽吓我哋一家五口嘅《天家裏》。」

在《天家裏》有很多智叔一家五口珍貴合照,包括一家人慶祝生日照片,諾諾在病牀中和父母合照,還有智叔、敏兒和大仔二仔外遊的溫馨合照等。

安息禮尾聲時,陳敏兒再次上台,她感謝製作團隊好有心幫智叔籌辦美麗又平安的安息禮,她說:「相信智叔一定收貨及開心,智叔離世後,我睇到唔同地域、唔同宗教及唔同政見嘅人,對佢有好多正面肯定,我心裏面好感動,我亦諗唔到安息禮有咁多人出席。我個感覺就好似所有人,送咗最後一個獎畀廖啟智,我好感激大家一齊聯手送畀佢呢個人生金像獎,我依家代廖啟智去領獎,再一次多謝大家對智叔嘅愛,多謝你哋!」

相關新聞:廖啟智安息禮|兒子吹口琴哀別智叔 文哲文信憶父子情

相關新聞:廖啟智安息禮|嘆老公辛苦命 陳敏兒憶往事 不捨智叔離開

相關新聞:廖啟智安息禮︱郭富城杜琪峯羅蘭送別智叔

相關新聞:廖啟智安息禮︱王祖藍蔣志光唱詩歌 田啟文稱陳敏兒堅強

(即時娛樂)