何雁詩日前接受許文軒主持的《StarTalk》訪問，談到相隔4年再推出實體唱片感受。提到碟中歌曲《灰夠》屬親身經歷，她說：「估唔到原來錄呢首歌時，會產生好多唔開心情緒，當時仲要啱啱結咗婚，搞到好唔開心，會帶啲情緒返屋企，多謝Fred（鄭俊弘）有耐性陪我，畀一個位我盡情爆喊抒發，不過另一個角度，正正因為多咗咁多情緒，令自己寫多咗幾首歌，生產力好高。」
問到結婚後有什麼為Fred改變的地方時，她說：「Fred為我改變多啲，我哋有好多嘢好唔同，好記得拍《娛樂大家》時，Liza姐（汪明荃）有問點解鄭俊弘會同我結婚，一個咁多嘢講，一個咁靜？好彩我哋價值觀好似，我哋努力維繫中。」
何雁詩又説：「Fred有潔癖，對於去car camping呢件事，已經有好多恐懼，包括衛生同污糟問題，喺半夜佢個肚出現狀况，人有三急，我唯有喺山頭掘個窿畀佢解決，最後佢自己清理返，之後我喺度諗，點解我要幫佢掘，明明佢自己可以做，由此證明我真係好鍾意佢，呢件事喺我人生中都幾浪漫。」
