人氣王「成魔」 姜濤斜望「考靚」胸口 狂咬阿Dee大髀 (17:10)

文章日期:2021年04月22日

由阮小儀和黃奕晨主持的ViuTV遊戲節目《考有Feel》,昨晚播出一集由MIRROR的姜濤、邱士縉(Stanley)和江𤒹生(AK),大戰ERROR的193(郭嘉駿)、何啟華(阿Dee)和外援羅沛琪(Pinky)。

姜濤平時予人乖巧溫文及鄰家男孩形象,不過玩遊戲時完全放下偶像包袱,玩得勁放、勁投入,昨晚一集更搞笑地見證了姜濤「成魔」之路。當玩熱身遊戲「吹乒乓」時,姜濤拿起相機除塵泵不停揸,並笑指「揸得舒服」。

熱身過後到「戲肉」,姜濤愈玩愈放,在「究竟聽咗乜」環節中,他要發出聲音,令隊友估「食奶嘴」。姜濤起初嘟嘴扮吃東西,但隊友估不到,他突然向左轉,斜望身旁的「考靚」劉若寶(Polly)胸口,結果令隊友猜中,姜濤更high爆狂跳;阿Dee及193亦讚「姜B好波」,姜濤則尷尬得掩嘴大笑,阮小儀也笑說:「頭先見證姜B成魔之路,佢咁壞係因為呢個遊戲而開始。」

到另一遊戲「瘋狂追聲族」,姜濤將對手阿Dee視為仇人,一開始已攬實阿Dee不放,令阿Dee無法還擊,又搶不到地上的公仔,就算遊戲結束,姜濤還狂野地咬住公仔,並Man爆說:「我有冇贏呀?」之後他再以瘋狂狀態,跟阿Dee摟作一團,甚至咬住阿Dee大髀,全場爆笑。

(即時娛樂)