馬浚偉（馬仔）擔任主持的清談節目《緣來自咖啡2》，節目已近尾聲，今集馬仔邀請張瑪莉（Mary）擔任嘉賓，兩位教友相聚暢談甚歡。
面對前輩張瑪莉，馬仔並無訪問感覺，反而覺得是兩個神的子女在對話，大家都是虔誠基督徒，他說：「睇過好多關於Mary嘅訪問、報道，知道佢成長經歷真係好艱難，很不容易，佢嘅分享令我深深感動，有兩個時刻更幾乎流眼淚，不過係喜悅同溫暖嘅，唔係傷感。此刻可以見到佢積極生活、工作之餘，還傳揚福音，真係好佩服好欣賞佢，衷心祝福Mary每樣事情都平安順心。」
擁有同一信仰，張瑪莉笑言與馬仔聊天就好像弟兄姊妹，願意真心分享自己的經歷，她說：「之前聽過好多關於馬仔嘅嘢，尤其留意到佢好學不倦，呢個節目能夠帶出好多正能量信息，真係好啱每個人嚟睇。傾談之下，感覺我哋人生裏面，好多經歷都不是偶然的，我相信神在我哋生命中，是要我哋幫祂完成向普天下傳福音呢個心願，其實也是一個基督徒應該要做的事。」
