BBQ發生家居意外 左眼撞向硬物 車婉婉急帶兒子檢查視力 (15:15)

文章日期:2021年04月28日

車婉婉的4歲大兒子BBQ日前在家中發生意外,左邊臉及眼角位置撞傷至又紅又腫兼流血。婉婉立即為兒子敷冰,隔天帶他去看醫生接受檢查。婉婉在社交平台上載BBQ受傷後及接受視力檢查時的照片,留言︰「今次BBQ先生自己遴迍,刷完牙仔出來找MaMa嘅時候無睇路,kick親,成個人飛咗去,隻左眼降落在硬物上。Q MaMa聽到佢落地嗰下聲音好大,心諗今次大鑊啦......抱起佢嘅時候見到隻眼有少少血,好驚呀!當然,要保持冷靜,即刻敷冰先!唔使講,BBQ喊到失晒聲,非常淒涼,好可憐,真係好心痛...... 佢喊完無事讀故事書瞓覺,但係我個心成晚囉囉攣,今日都係決定帶佢去check吓先,因為太近眼睛,真係驚佢有事又唔知、唔識點講出嚟。好彩,醫生詳細檢查完之後話眼球無事,視力亦好好,傷口仔用些消炎Eye Drop可以幫到手。超級感恩,不幸中之大幸,希望BBQ先生真係經一事長一智,學習到小心一點。」

(即時娛樂)