郭富城日前接受由許文軒主持的《StarTalk》訪問，談到拍攝電影《秘密訪客》感受，城城讚新戲劇本紮實：「個角色自己未演過，係一個高冷、沉鬱嘅爸爸。」
談到再次演爸爸角色，他說：「電影有趣嘅地方，係我可以接觸一啲從未演出過嘅人物性格，令我喺人生中，曾經同呢個角色生活過，不過拍完就算。真正嘅爸爸角色，就留返屋企做，做一個『順得人』嘅爸爸，現實要做一個好爸爸，畀多啲愛、關懷、忍讓小朋友，要畀多啲耐性，我都係學習中。」
近年城城拍攝的電影角色比較沉重，他解釋：「以前玩賽車釋放情緒，其實大家唔知，我7、8年前開始鍾意油畫、水墨畫，亦有收藏畫作，因為疫情關係冇得賽車，反而對畫畫興趣愈來愈濃厚，自己鍾意水墨畫，所以老師叫我由書法開始學習，發現自己全神貫注寫字時，可以淨化情緒。（學習到什麼階段？） 都係初學者，唔叻，但自己好喜歡。」
