衛志豪唔識MIRROR 為《開心大綜藝》被批老土發火 (14:05)

文章日期:2021年05月10日

衛志豪昨晚有份參與《開心大綜藝》直播,他在Instagram限時動態上載現場台前幕後準備情况,卻收到網民私訊指節目老土,該網民更送上MIRROR開騷時的照片,惟衛志豪說不認識相中的姜濤及江𤒹生(Anson Kong)。衛志豪嬲爆公開與該網民的對話截圖,並寫下千字文反擊,又質疑該網民「正職係做乜,友台工作人員,演唱會宣傳人員,藝人經理人,定保母?」

衛志豪表示眾人為《開心大綜藝》中短短幾分鐘的演出綵排兩日,其他有份參與節目的台前幕後也做足準備,連沒份演出的高層也睇足兩日綵排,應獲得別人尊重。他說︰「我唔會評價人哋演唱會好唔好睇,但我知道做一個演唱會真係唔容易,我以前跟過郭富城、劉德華、陳奕迅、譚詠麟、張學友、黎明等等,去做無數次演唱會全程報道採訪!我會尊重所有表演者,因為我知道每一個都付出好多......你可以話我演技差、口才唔好或者樣衰都得,但你唔可以抹煞一個節目成功與否,每樣嘢都有人鍾意有人唔鍾意,你唔鍾意想叫我認同你?個節目我都有份做,你想我俾咩反應你,成個節目嘅人都係我朋友!個個都識十幾年!what the Fxxx﹗係咪有病,有人俾飛我,我都會去睇個演唱會㗎,娛樂圈大家支持!」

衛志豪強調他歡迎娛樂圈百花齊放,同時最討厭唯恐天下不亂的人。說到自己不認識MIRROR,他表示︰「我唔認識呢班後生仔,佢哋都唔會識我,但我都佩服佢哋!祝演出成功﹗如有失言請見諒﹗」

(即時娛樂)