關宛珊上月為老公林溥來（Patrick Sir）誕下愛子「洋葱頭」林若嘉（Preemo），B仔已經滿月﹗Patrick Sir在社交網貼了多張B仔新相，B仔頭髮超濃密，新手父母惜囝囝惜到燶，Patrick Sir還幫B仔洗頭兼餵B仔飲奶，父愛爆棚。
Patrick寫道：「Preemo恭喜你，你滿月喇！過去呢31日係咪好開心呢？你除咗得到我同媽咪嘅悉心照顧外，更加得到Don Don（狗狗）嘅貼身保護，令你可以喺無憂無慮嘅環境下健康成長！當然，不得不提我哋嘅親戚朋友及同事們，為你送上嘅所有祝福，以及品牌客戶對你嘅萬千寵愛！洋蔥頭，你要繼續快高長大，開開心心地食、玩、瞓！爹哋好期待同你去跑跑跳跳，一齊游水打波嘅日子喔！」
