湯洛雯呻小馬污糟獨角獸要陪沖涼 網民︰兩個一齊洗白白? (19:34)

文章日期:2021年05月16日

湯洛雯(靚湯)早前生日與男友馬國明到酒店Staycation慶祝,靚湯在社交平台分享多張男友操刀拍攝的靚相,當中還包括她身穿比堅尼的浸浴照。馬國明雖然未有公開照片,但就在社交網上載代表住他們的小馬及獨角獸公仔在酒店窗前的照片。

靚湯今日在社交平台放閃,分享兩個公仔的合照,相中代表她的獨角獸公仔全身濕透,毛髮亂晒。靚湯為兩個公仔代言︰「🦄:點解啲人話你污糟,搞到我都要陪你洗白白🤬。🐴:.......」馬國明看見帖子後打上「🙄🙄🙄🤦‍♂️🤦‍♂️🤦‍♂️」的表情符號,令不少網民哈哈大笑,更留言追問︰「係咪兩個一齊洗白白先?」

(即時娛樂)