準媽咪余香凝（Jennifer）去年底與鮑起靜（鮑姐）及潘燦良拍攝微電影《日子總有我伴你走》，她憑該微電影奪得「最佳微電影女主角」獎，由於疫情關係，是次微電影比賽未有舉行頒獎禮，而近日獎座終於送到Jennifer手上。
對於今次獲獎，Jennifer開心又感恩，她笑言腹中BB「腳頭好」︰「梗係啦！BB喺肚入面經歷拍攝同攞獎。不過我覺得最大拎獎原因係導演同鮑姐，冇鮑姐做對手戲，唔會有個表現出嚟，所以多謝鮑姐。」
Jennifer表示能參與拍攝的滿足感比獲獎更大，而拍攝時正經歷人生大事，感覺很特別，她說︰「其實自己冇諗過拎獎，有得做呢個講親情project已經好滿足，自己一直想做關於親情作品，導演第一次搵我拍呢個微電影時，自己計劃緊結婚，到拍攝時就有BB，所有嘢嚟得好合時。加上自己婆婆都好大年紀，好想做一些關於親情作品畀婆婆睇到，或者畀大家睇到，去宣揚要珍惜眼前人嘅信息。」
