張堅庭翻睇《花姐ERROR遊》形容「咖哩怪」:睇完我都鍾意佢哋 (18:15)

文章日期:2021年05月18日

由ERROR的梁業(肥仔)、郭嘉駿(193)、吳保錡和何啟華(阿Dee)主持的ViuTV節目《ERROR自肥企画》,已經進入尾聲,該節目成為討論區熱話兼被網民洗版,觀眾還重溫ERROR之前的節目《花姐ERROR遊》、《花姐ERROR遊2》及《ERROR自救TV》。

近年甚少執導的張堅庭,不時在社交網評論時事及其他人的演藝作品,昨日他在facebook專頁談到《花姐ERROR遊》,並表達自己看完之後的感受:「為咗唔好太落後,我開始翻睇『花姐Errors遊』(《花姐ERROR遊》),同花姐(黃慧君)喺ViuTV打個一次招呼,仲有姜濤在旁,花姐真係勁有性格,全不修飾,樣又唔靚,又粗魯,但一個電視台肯sell失敗給社會,也是功德。因為成功、疊水、靚女、在前台主導了社會,而家有班咖哩怪受人注目,又得支持,讓三萬蚊呎價嘅社會開心吓,有長者八達通的我要撐一撐...老實講....睇完我都鍾意咗佢哋。」

張堅庭的言論惹來網民熱議,「其實我唔覺得佢哋咖哩...我都唔係好明什麼sell失敗,頂多可以說sell過程。」、「error係錯誤,但錯誤唔一定係唔好,而同失敗一樣,唔一定係壞事,最緊要從中學習。其實成段曲㗎。」、「喂呀!花姐係我心目中好靚女㗎!有內在美即係有外在美!」、「你講野都幾無禮貌,字眼用得好差。」、「不如張導演睇埋《Mirror Go》先講點解花姐咁有眼光啦!」、「當年睇『表姐你好嘢』,我都覺得你係咖哩怪,張大導果然又遠見。」、「與時代並進的長者,值得欣賞。」、「曲定直?」

(即時娛樂)