姜濤化身「眼鏡濤」拍廣告 騷後狂瞓「昏迷」一整日 (22:10)

文章日期:2021年05月18日

人氣王姜濤完成MIRROR演唱會後依然做到無時停,早前他接獲眼鏡品牌邀請拍廣告。這是姜濤首個太陽眼鏡廣告,他見到店內不同款式太陽眼鏡,顯得興奮雀躍,每款眼鏡都要試戴,頓時化身成為「眼鏡濤」。

原來姜濤對太陽眼鏡有情意結,他說:「我父母好鍾意戴太陽眼鏡,我記得我人生中第一副太陽眼鏡,就係細個同媽媽去加拿大旅行,嗰陣覺得外國人都好鍾意戴太陽眼鏡,嗰時媽媽就喺海邊嘅一間舖頭,買咗副太陽眼鏡畀我,我整個旅程都戴住,覺得自己變成外國人咁。」

小時候的姜濤對選擇太陽眼鏡,亦有一套「心得」,他說:「我記得嗰時我揀一副鏡面好大的,因為覺得同一個價錢,鏡面大啲感覺抵啲;同埋我成日會借媽媽太陽眼鏡嚟戴,細個覺得太陽眼鏡係無分男女裝,所以戴女裝眼鏡都無問題。」

姜濤工作不斷,極少休息時間,他表示如果能放一日假,最想做的就是瞓覺。姜濤︰「我喺演唱會後,都有休息過一日,嗰日真係全日喺屋企瞓,起碼瞓咗10幾20個鐘,雖然內心想起身做其他嘢,例如睇電視或打機,但真係太攰,最終都係『昏迷』咗咁瞓咗成日。」

夏天已經來臨,一向怕熱又怕出汗的姜濤,原來是遺傳自他媽媽,他說:「我平時同媽媽出街,一定會帶風扇,因為媽媽好怕熱。記得有次同媽媽去日本,當時天氣好熱,媽媽頂唔順,去咗便利店買咗一大袋冰,全程一路行街一路攬住袋冰,仲話即刻心都涼晒可以繼續行街。」

(即時娛樂)