新劇臨時改拍攝通告 徐榮著戲服飛奔回家為老婆慶祝生日 (12:13)

文章日期:2021年05月21日

徐榮近日忙於拍攝新劇《雙生陌生人》,撞正老婆Kathy日前生日,本來無法一齊食飯慶祝。誰知徐榮當日返到公司後,發現改了通告,於是寧願頻撲一點也立即回家和太太一齊切蛋糕,令Kathy十分感動﹗

Kathy在社交平台分享一家三口捧住蛋糕的照片,身在英國留學的大仔徐朗也有視像祝媽媽生日快樂。Kathy說︰「徐師奶又大一歲,大徐生本來開工冇得一齊食飯,點知返到公司改咗通告,著住開工衫都飛過嚟一齊切蛋糕。多謝大家嘅祝福,滿滿的愛﹗簡簡單單一家人最開心﹗」徐榮表示︰「徐太今年你生日我有啲忙,開工中嚟個快食生日飯,過幾日忙完在同你食餐好嘅!生日快樂!」

昨天「520」,不用開工的徐榮撇下女兒徐心怡(包包),駕駛電單車載住老婆出去二人世界拍拖,Sweet到爆﹗

(即時娛樂)