張頴康宣布麥雅緻懷有第3胎 囝囝「小花生」冇眼睇? (23:48)

文章日期:2021年05月21日

已育有一對仔女的張頴康和麥雅緻,再宣布造人成功,今晚阿康在社交網貼出全家福,老婆麥雅緻明顯肚凸凸,還拿着一張超聲波的照片,他興奮道:「終於都講得喇﹗我老婆成日都話,睇住小豆小花生BB嗰陣嘅相,就好掛住佢哋BB嘅時候!雖然照顧佢哋係好辛苦,但係每日見住佢哋又覺得好滿足!其實,我都有同一種感覺!既然時間唔可以返轉頭,咁就從新再經歷多一次啦!老婆,嚟緊嘅日子辛苦你喇!其他粗重嘢等我嚟做啦!我愛你﹗P.S.小豆再做家姐,好似好有經驗,所以比較冷靜!而小花生對於自己第一次做哥哥,就表示...『我無眼睇🤦‍』。」

(即時娛樂)