已育有一對仔女的張頴康和麥雅緻，再宣布造人成功，今晚阿康在社交網貼出全家福，老婆麥雅緻明顯肚凸凸，還拿着一張超聲波的照片，他興奮道：「終於都講得喇﹗我老婆成日都話，睇住小豆小花生BB嗰陣嘅相，就好掛住佢哋BB嘅時候！雖然照顧佢哋係好辛苦，但係每日見住佢哋又覺得好滿足！其實，我都有同一種感覺！既然時間唔可以返轉頭，咁就從新再經歷多一次啦！老婆，嚟緊嘅日子辛苦你喇！其他粗重嘢等我嚟做啦！我愛你﹗P.S.小豆再做家姐，好似好有經驗，所以比較冷靜！而小花生對於自己第一次做哥哥，就表示...『我無眼睇🤦』。」
