孖劉小慧一齊開Live收驚喜 黎燕珊不介意生日開工   (21:32)

文章日期:2021年05月24日

劉小慧日前邀請黎燕珊一齊開Live傾偈,當日剛巧是黎燕珊生日,故小慧預備了生日蛋糕向壽星送上驚喜。黎燕珊說自己不介意生日開工,希望寓意未來一年工作不斷又能夠密密搵真銀,而開Live前她已經跟一對仔女先慶祝。對於早前她亮相節目《日日媽媽聲》時表示仍然期盼愛情,她笑言很多朋友紛紛表示有筍盤介紹,但因為她目前要集中投入新劇拍攝,留待拍完劇再考慮。

開Live期間,黎燕珊與小慧談起以前拍戲的特別經歷時,原來兩人不約而同被馬「蝦」過。黎燕珊透露當年到英國拍攝電影《喜寶》,跟方中信拍攝一場草原騎馬戲,她卻被拋落馬,導致跌傷腰骨,影響到脊柱,曾有一段日子腰骨很痛,後來自創拉桿運動才得以改善。小慧則想起曾到澳洲拍攝TVB《新地新地帶》也需要騎馬,「我騎那匹馬不受控,一直在發脾氣,我已大嗌現場的馬匹訓練員幫忙,但對方不理我,以為我大驚小怪,我唯有自救,見到牠作勢想拋我落地時,我自己立即先跳落地,當我落地時,牠已經狂奔,雖然我整親腳踭,但我已覺得很好彩,如果被牠拋落來,就不止這傷勢了」。

(即時娛樂)