C AllStar休團3年後 7月紅館開騷 首次挑戰四面台:為信念再集合 (13:28)

文章日期:2021年05月31日

2021年重新集合的組合C AllStar,將在7月24日及25日,舉行他們第3次紅館演唱會《C AllStar 集合吧演唱會2021》,全場劃一票價680元,不設「山頂位」。

在拍攝演唱會海報期間,4子除了穿上有如太空衣般的厚重外套外,頭上更戴上不同形狀、類似天線的金屬頭飾。陳健安(On仔)說:「我哋嘗試喺金屬物件入面,加入比較人性化比較溫柔一面,所以呢啲頭飾全部人手製造,並且配合我哋頭骨形狀。」不過King(吳崇銘)及釗峰均表示戴上頭飾時,實在苦不堪言,有如孫悟空戴上金剛圈一樣,頭痛不已。

休團3年多的C AllStar,去年曾想過藉成團10周年重組,但當時疫情關係加上各自有工作要忙,所以感覺現在才是最好時機。On仔說:「自2017年10月紅館演唱會後正式休團,呢3年幾單飛發展,4位成員都有唔同嘅提升,依家為信念再集合。」

King也說:「單飛前我哋最後一首歌《再不再見》已經留下伏線,到底係再見定係不再見呢?結果依家我哋返嚟喇,事實係會再見嘅。」SoulJase(何建曦)指出休團後,大家各自奮鬥,現在再集合,就好像重新征戰沙場,他說:「可以將之前做得唔夠好嘅地方再做好,加上首次挑戰四面台,感覺非常新鮮,亦都好期待。」

釗峰續說:「同時亦都希望可以集合所有人,聚埋一齊喺一個地方,開開心心咁玩番晚。」On仔也指出:「多謝一直支持咗我哋11年嘅每一個歌迷,好希望到時候可以見到大家。」

(即時娛樂)