前《東張西望》主持林泳淘原來已升呢做人妻，跟拍拖14年的初戀男友林卓立結婚，林泳淘在社交網貼出婚紗相，當中有她和老公合照，但只見到她的老公側面。
林泳淘表示對於新的身分，仍未有「實感」，但她表示林生（老公）就好開心。林泳淘還自爆大約1年前，和老公輪流炒車，然後她帶老公去還神：「感謝神，最緊要人冇事，師傅見到我哋個八字就話，哇，你兩個人真係天作之合，個八字咁夾嘅，有無諗住結婚呀？林生就好爽快咁話：『有呀！』
呢次係我第一次聽到自己要結婚嘅事，（事後先知，原來佢之前已經訂好戒指，只係疫情關係一直卡住喺外國成年幾，都未寄到返香港），跟住師傅好快就俾咗兩個日子我哋，而其中一個，咁啱就係我哋嘅拍拖紀念日。（一切都是整定的）。
2021年5月29日，我同林生都多了一個身份，多了一些家人，多了一份責任，但不變嘅係，我哋應該會繼續相愛相殺直到海枯石爛，直到生命終結，直到永遠永遠。」
