【今日直擊】蕭正楠及湯洛雯（靚湯）今日為無綫劇《一笑渡凡間》宣傳，蕭正楠表示最驚化劇中爛面妝，一化就要坐定定3小時，被靚湯大爆經常化妝睡着，蕭正楠說：「我曾試過打橫瞓畀人化妝，有時不夠瞓沒辦法，但試過一次知道『唔老黎』，以後都不敢再試。」
蕭正楠表示今周播出他與靚湯感情線戲分，預告靚湯會以女裝造型現身，靚湯解釋因劇中是捕快造型，有場戲她穿女裝，眾演員問她為何男扮女裝，蕭正楠說：「因為做戲要覺得湯洛雯好靚，觀眾睇到我個樣，就是馬國明見到湯洛雯個樣，流晒口水，場戲好難做，演技大挑戰。」靚湯則說：「梗係唔似啦！」
靚湯叫蕭正楠不要常拿沒份演出該劇的馬國明宣傳，蕭正楠笑言到馬國明主演的新劇宣傳時，他會自薦到場幫手。靚湯表示男友已將代表她的獨角獸公仔據為己有，又帶到內地陪開工，問怕不怕又搞到公仔污糟，要幫手冲涼？她笑言可能已將公仔五馬分屍。問男友何時會將她據為己有？她說：「不知道，問他吧！」
