林作和鍾培生將於9月舉行「百萬擂台戰」，二人目前積極備戰。林作昨天在社交網貼相，相中其左眼的眼袋位置明顯瘀黑，他寫道：「今（昨）日將我的打腫眼照片send俾身在內地的媽媽，媽媽馬上打來，要求我退賽。佢話：『我俾100萬你，你唔好打啦。』」林作問網民意見：「大家覺得，我應該攞我老母100萬，定攞終賠生（鍾培生）100萬？我係裙腳仔嗎？」
網民紛紛留言：「唔好quit la（啦），我買咗一百萬你第一個回合瞓低㗎。」、「Why not both」、「簽咗合約，退賽就唔只1,000,000㗎啦！」、「面子事大」、「攞阿媽」等。
之後林作再貼自拍照，並引述朋友留言：「Yo man,隻眼入面有機會少少裂咗，再操落去或者練落去或者比鐘追住嚟打呢個位都有爆眼骨風險，你自己小心呀！可大可小。」
