全新本地演唱會系列《我是現場》將於今年6月正式啟動，一共8場演出，許廷鏗和組合per se率先打頭陣，在本月26日假旺角麥花臣場館演出。對於首度合作，許廷鏗說：「最緊要係聽熟我嘅歌單，重新認識我嘅音樂。呢一次嘅結盟只屬一次限定，大家好好團聚，冇其他原因，純粹為咗音樂，我哋每一個參與都喺度建構呢個現場，你哋都係其中一分子。」
per se也和應說：「《我是現場》係演出者同觀眾一齊經歷、建構時間紀錄，係只此一晚時刻，亦都係生活上不可或缺嘅細節。」他們更透露今次演唱會特色，per se說：「平時我哋會揀啲歌一齊玩或者自己玩，但今次我哋會夾band。」許廷鏗笑言：「我都估唔到自己會夾band，所以今次唔好當係睇許廷鏗或者per se嘅show，而係當睇我哋三位一體嘅show，中間會互唱對方作品，但將會係三位一體呈現畀大家。」
