被老公陳柏宇狂踩嬲爆 符曉薇感委屈曾想離家出走 (22:59)

文章日期:2021年06月13日

陳柏宇和太太符曉薇結婚近4年,育有兩歲女兒陳羿辰(Abigail),組溫馨三口之家;不過,符曉薇曾在節目《日日媽媽聲》投訴老公,惜女兒多過惜老婆。日前符曉薇突然在社交網的限時動態發文,直指被陳柏宇激親,令她覺得很委屈,若然不是為了女兒,她已經離家出走。「好嬲好嬲你。我乜都唔要就嫁畀你,冇求婚,冇禮金,冇過大禮,仲將自己嘅金器畀晒你賣。因為我一路覺得你值得,值得我乜都唔要,淨係要你。我以為你都係咁,你會珍惜我,點知聽到原來我畀咁多壓力你,嗰刻真係想離開。不過算啦,大個女㗎啦,過咗就算,希望以後就算唔稱讚,都唔好踩到一文不值」。後來符曉薇刪去該帖文,惹來網民討論他們夫妻間是否出現問題。

其後,陳柏宇補鑊,寫了一篇長文向符曉薇道歉,坦承沒理會老婆感受,不懂尊重對方的態度統統需要改變,最終獲老婆原諒。符曉薇在社交平台說:「一個會用心去哄你,仲會用千字文認錯嘅男人,其實好難得,有時大家一齊耐咗,好多嘢都會懶咗,呢個懶會令大家越嚟越生疏,會有更多誤會出現,如果有個唔怕煩,會用心去告訴對你嘅愛嘅人,呢個人值得你穿白色婚紗,付託終身俾佢,我已經搵到,亞標都話值得。」之後,陳柏宇和符曉薇更一起拍片,力證夫妻情未變。

(即時娛樂)

 

相關字詞﹕陳柏宇 符曉薇