花姐讚Edan不埋怨不扭計兼不怕蝕底:彈琴時幾靚仔 (20:38)

文章日期:2021年06月14日

MIRROR的演唱會雖然已在上個月圓滿落幕,但MIRROR經理人黃慧君(花姐)、《調教你MIRROR》的導師梁祖堯,不定期在Instagram分享對「鏡仔」的看法。花姐在Ig貼了呂爵安(Edan)在演唱會表演彈琴的照片,花姐讚Edan靠自己努力得到今天的認同,又指他不會埋怨亦不會扭計,兼不怕蝕底,相當好學。

花姐起初搞笑寫道:「『唔好再同我講有人讚你靚仔』呢句說話,經常都會係我同佢嘅對話中出現。今日我想同佢講真話,其實佢彈琴嘅時候真係幾靚仔,不過我欣賞嘅係佢嘅認真,佢嘅投入。我曾經講過,Edan未來有成績,佢完全唔使多謝我,因為佢係自己爭取番嚟,呢句係真心話。希望未來佢可以把握每一個機會,發揮所長,然後得到更多人嘅愛戴。」

(即時娛樂)