Mean Talk|鍾培生窒林作搵錢少 叫對方勿退賽:8位數都未必夠你賠… (18:30)

文章日期:2021年06月15日

由林盛斌(Bob)、江美儀主持的無綫全新綜藝節目《Mean Talk》,昨晚(14日)在J2首播,首集嘉賓是9月舉行「百萬拳賽」的鍾培生與林作。面對是非多多兼牙尖嘴利的嘉賓,江美儀絕不手軟,先後拋出「你哋加埋幾廿歲,因乜事咁小學雞?」、「林作真係好孝順呀,孝順到鬧阿媽咯」、「點解林作你咁鍾意撩是鬥非呢?」等尖銳問題。

Bob指林作最近小動作多多,似有「縮沙」退賽之嫌,鍾培生聞言即「警告」林作:「我今年真係唔想打官司,真係賠死你,(你退賽)我真係告爆你,8位數字都未必夠賠。」林作鎮定回應:「因為我媽唔識教仔,佢覺得揼錢落個仔度就可以保護佢。佢身邊啲豬朋狗友麥玲玲又話我算到你個仔今次會出事。我好貪佢(鍾)嗰100萬嘅,我想食兩家茶禮啫。」鍾培生即反窒林作:「啱喇!收完阿媽錢,再收我錢,畀我打鑊甘!」鍾培生表示若林作真的出賽,不排除有額外盈餘會分bonus予對方。

二人又被追問月入多少,林作坦白表示應有40萬元,主持即追問月入如此可觀,為何仍要貪圖100萬出賽費?鍾培生又出招:「有我鍾培生畀佢抽水抽半年喎,佢梗係制啦,唔收錢都制啦!」不過鍾培生拒絕回答月入數目:「以免引起公憤,總之我收入係相當可觀。」之後鍾培生不斷指林作40萬元月入太少,林作挑機反擊:「你入嚟我公司做保險,畀1年睇吓你有冇做到我咁喇,鬥唔鬥吖?你搞得贏我,我畀100萬你。」搞笑兼火藥味濃。 

兩人在節目中大爆醉酒後醜態及性經驗,鍾培生表示最長一次性經驗長達兩小時,震撼度令現場一度失控,他稱:「我可以一分鐘,亦可以兩個鐘,我出名性慾強,我肌肉控制好勁,我所有嘢都控制到。(江美儀:即係可以控制到對方嘅高潮?)絕對係,秘訣係呼吸同下盤肌肉要收放自如。呢樣嘢我由細練到大,因為我係完美主義者。」

林作自嘲很懶及自私:「我比較冇顧及對方,我滿足唔到我伴侶,呢個係根據裕美(林作女友)真實反應(得出結論),佢成日都鬧我。」令身在現場的裕美極為尷尬。

(即時娛樂)