調教你MIRROR︱姜濤剖白勸退粉絲感受 Anson Lo每次演出100%盡全力 (00:56)

文章日期:2021年06月17日

ViuTV節目《調教你MIRROR》第7集還原「梅窩事件」來龍去脈,昨晚(16號)播出一集,姜濤坦白說出今次勸喻粉絲不要私追的內心感受,「呢件事對我、對12個人嚟講係一個里程碑,未敢講係好定壞嘅里程碑,但就係大家第一次去做呢件事。私追確實影響大家工作,所以大家對呢件事有意見,大家一齊做呢件事好有意義。很多時候公司幫手擋,今次離開公司保護,可能呢件事處理得唔成熟、唔夠好,起碼出發點係好,因為想MIRROR好,我一直喺MIRROR唔太會為呢啲嘢而出聲嘅人,知道自己粉絲可能比較多,喺呢個情況下,對兄弟有少少唔好意思,但唔好意思點講,有時我啲粉絲令大家……可能彼此嘅粉絲影響大家關係,自己冇特別講,但今次希望令大家知道,其實我好重視大家感受,也重視工作環境,所以我都唔知點講……一個鐘頭唔夠講……」經理人花姐(黃慧君)也表示,姜濤很少有兄弟在身邊時願意主動企出來,亦很少拒絕粉絲,通常都是叫隊長或副隊長做,這是3年來第一次。

花姐又希望梁祖堯幫手調教Anson Lo(盧瀚霆),她說:「MIRROR成員唔了解Anson Lo,希望呢個節目讓成員真正了解佢,佢今日對人嘅態度同說話,係因為太顧及成員感受。(梁祖堯:Anson Lo好有禮貌,令人覺得佢唔係太真心。)我有同佢講過,原來佢小學時已經畀老師咁講佢,叫佢唔好咁虛偽,有禮貌打招呼好過亂講嘢,佢心態係寧願自己唔錯,但呢個態度令人覺得佢虛偽,覺得可以改變佢呢啲嘢。」花姐與梁祖堯均讚Anson Lo內心很善良。

梁祖堯安排12子演戲,2人一組,請來黃修平導演及女演員鍾雪做嘉賓,令眾人感驚喜;之後,梁祖堯選出姜濤、Anson Lo及Lokman(楊樂文)進入第二輪演技比試,跟鍾雪做對手戲。Anson Lo事後表示擔心自己記不到劇本,而且要有起伏,「把握好呢次,每次都當最後一次,要100%騷Anson Lo有啲乜,MIRROR係很重要topic,當初MIRROR由12人組成,賣點係12個唔相似嘅人,12塊唔同嘅鏡碎片放埋一齊變完整嘅鏡,這是賣點。依家偏向唔係做呢樣嘢,呢個係要正視嘅嘢。開始時唔係所有人100%盡全力,能否做到呢點有太多因素,唔係想同不想」。

(即時娛樂)