20年之約|陳欣妍帶隊行山植樹唔預男友沈震軒 (23:32)

文章日期:2021年06月22日

陳欣妍(Shirley)、謝利(Jerry.C)、ViuTV《廣告女皇》冠軍李莉(Lily)等日前出席「山野大奇蹟日2植樹在礦山」活動,眾人各自背上數公斤的植樹工具徒步前往鹿巢山種樹。Shirley一馬當先帶隊,她稱因為疫情影響,有更多時間約朋友行山,但男友沈震軒冇份,相信這方面自己比男友叻。Shirley小心翼翼種樹苗,笑說:「我當呢啲樹係自己個『仔女』嚟㗎啦!因為佢哋二十年之後,先會同我差唔多高,我頭先幫佢改咗個名叫『9527』,廿年後帶埋下一代嚟欣賞我嘅『傑作』。只要諗長遠啲啲就唔會介意當刻嘅辛苦,因為植樹係畀我哋嘅下一代享受。」

Shirley最近為卡通片配音,因為角色是小朋友而要扮聲,更要撒嬌語氣呢!今次體會配音好辛苦,更學識用丹田去鬧人,大家不要向她挑戰。

(即時娛樂)