許家傑紅館後台邀梁家輝合照 開口第一句竟然嗌「四哥」 (13:21)

文章日期:2021年06月24日

梁家輝日前以一身「四哥」造型現身胡楓(修哥)的紅館演唱會做嘉賓,獲激讚超似謝賢。同樣在當晚有份做嘉賓的許家傑、林淑敏在後台捉住家輝影合照,許家傑在社交平台分享照片,自言被對方的氣勢吸引住。他說︰「第一眼望到已經被佢嘅氣勢吸引,高大而且好有自信嘅眼神,再加上好和藹可親嘅笑容。內心已經肯定他是家輝哥(因為近年最愛嘅港產片係《寒戰》,尤其同郭富城對峙嗰場睇咗不下十次),但開口嘅時候竟然先說了一聲:四哥!#影帝就係影帝 #原來佢都有愛回家。」林淑敏留言︰「家輝四真係好正呀!佢仲同我哋打氣,感動死。」

(即時娛樂)